حوار لطيف بين زوج مع زوجته
الزوج:حبيبتي أنا هاطلب بيتزا ، عايزة حاجة ؟
الزوجة:لا يا حبيبي ربنا يخليك ليا
الزوج : اوكي ياحبيبتي
الزوجة:ولا اقولك .. ......؟
الزوج: ها ، أطلب ليكي كمان ؟
الزوجة: مش عارفة
الزوج : مش عارفة اذا كنتي عايزة ولا لأ؟
الزوجة : لا مش عارفة
الزوج: انتي جعانة ؟
الزوجة : يعني ........
الزوج : يعني إيه يعني...؟
الزوجة : يعني مش متأكدة اذا كنت جعانة ولا لأ.
الزوج : الواحد لما بيكون جعان بيعرف
الزوجة : لأ بس يمكن اجوع بعد شوية
الزوج: يعني اطلب لك بيتزا؟
الزوجة : طيب واذا ما كنتش جعانة وقتها..؟
الزوج : ما تاكليش البيتزا
الزوجة : بس ده كدة يبقى تبذير
الزوج : خلاص ، تبقي تاكليها بكرة
الزوجة : و اذا ما كانش لي نفس آكل بيتزا بكرة؟
الزوج : مش محتاجة نفس ، الواحد عادي ممكن ياكل بيتزا كل يوم
الزوجة : انا لا .. أنا مش باكل بيتزا الا لما يكون عندي نفس للبيتزا
الزوج : طيب بلاش ، أطلب لك حاجة تانية؟
الزوجة : بس أنا مش عايزة حاجة تانية
الزوج : يعني عايزة بيتزا؟
الزوجة : لا
الزوج : يعني مش عايزة حاجة؟
الزجة : لأ برضه
الزوج : جننتيني ، طب أعمل إيه؟
الزوجة : اطلب انت لنفسك
الزوج : الحمد لله ، اخيرا .. ماشي ..
الزوجة : بس اطلب بيتزا بالتونة
الزوج : نعم ؟ انا مش بحب البيتزا التونة
الزوجة : بس انا بحبها
الزوج : وانتي مالك ؟ هو انا حاطلب ليا ولا ليكي
الزوجة : ليك طبعا
الزوج : طيب أطلبها ليه بأة بالتونة...؟
الزوجة : يمكن اجوع لما يوصل الاكل
الزوج : وبعدين؟
الزوجة : يا سلام ، يعني تفتكر آكل حاجة مش عاجباني؟
الزوج : ليه هو انتي – أصلاً - عايزة تاكلي؟
الزوجة : ليه لأ ؟
الزوج : يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟
الزوجة : بالضبط
الزوج : وأنا بلاش آكل؟
الزوجة : يمكن وقتها أكون مش جعانة فتاكلها انت
ملاحظة
محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس"
الجمعة أغسطس 02, 2013 1:53 pm من طرف 
