منتديات أسف علي الإزعاج
أهلا ومرحبا بكم في منتديات أسف علي الإزعاج
منتدي هتشوف فيه نفسك....
هتقول اللي في نفسك.....
نتمني أن تستمتعوا بتواجدكم معنا
ويشرفنا وجودكم ومشاركتكم لنا
مع تحيات ادارة المنتدي
منتديات أسف علي الإزعاج
أهلا ومرحبا بكم في منتديات أسف علي الإزعاج
منتدي هتشوف فيه نفسك....
هتقول اللي في نفسك.....
نتمني أن تستمتعوا بتواجدكم معنا
ويشرفنا وجودكم ومشاركتكم لنا
مع تحيات ادارة المنتدي
منتديات أسف علي الإزعاج
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات أسف علي الإزعاج

منتدي هتشوف فيه نفسك ....
 
الرئيسيةشات حلم الثائرأحدث الصورالتسجيلدخولساعة لقلبك مع راديو المنتدي
المواضيع الأخيرة
» فيلم مصور قتيل DVD
رباعيات الضاحك الباكى  Emptyالجمعة أغسطس 02, 2013 1:53 pm من طرف sema

» فيلم الحفلة
رباعيات الضاحك الباكى  Emptyالجمعة أغسطس 02, 2013 1:50 pm من طرف sema

» هل تستطيع المراه تغيير الرجل؟؟
رباعيات الضاحك الباكى  Emptyالجمعة فبراير 01, 2013 5:30 am من طرف اسرار

» معاناة قلب اشتاق لك
رباعيات الضاحك الباكى  Emptyالجمعة فبراير 01, 2013 5:12 am من طرف اسرار

» ربما التقى بك
رباعيات الضاحك الباكى  Emptyالجمعة فبراير 01, 2013 5:10 am من طرف اسرار

» كرر هتك
رباعيات الضاحك الباكى  Emptyالجمعة فبراير 01, 2013 5:07 am من طرف اسرار

» هل إشتقت
رباعيات الضاحك الباكى  Emptyالجمعة فبراير 01, 2013 5:05 am من طرف اسرار

» لن أسألك
رباعيات الضاحك الباكى  Emptyالجمعة فبراير 01, 2013 5:03 am من طرف اسرار

» انتهينا والم ذلك
رباعيات الضاحك الباكى  Emptyالجمعة فبراير 01, 2013 4:54 am من طرف اسرار

التبادل الاعلاني
احداث منتدى مجاني
أفضل 10 أعضاء في هذا المنتدى
sema
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
اسرار
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
حبيبي ملاك
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
pop
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
لغة الصمت
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
jana
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
ورد_الندى
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
rooma
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
kelmt hop
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 
lolla
رباعيات الضاحك الباكى  Vote_rcapرباعيات الضاحك الباكى  Voting_barرباعيات الضاحك الباكى  Vote_lcap 

 

 رباعيات الضاحك الباكى

اذهب الى الأسفل 
كاتب الموضوعرسالة
اسرار
عضو رائد
عضو رائد
اسرار


عدد المساهمات : 234
تاريخ التسجيل : 05/02/2012
العمر : 39

رباعيات الضاحك الباكى  Empty
مُساهمةموضوع: رباعيات الضاحك الباكى    رباعيات الضاحك الباكى  Emptyالثلاثاء فبراير 07, 2012 6:45 am

شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!




- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!


الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!


نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!



رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!
[b][size=21][size=21][b]ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!


[/b][/b]
[b][b]




يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!






شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!





أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!





إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!





إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!





يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!





في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!






الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!






علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!





إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!





نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!





- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!





السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!





وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!





سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!





الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!





أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!





نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!


[/b][/b]
[b][b]

يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك



عجبي !!!
[/b][/b]
[/size]
[/size]
[size=21]
[b][b][size=21][b][size=21]كان فيه قمر كأنه فرخ الحمام


علي صغره دق شعاع شق الغمام


أنا كنت حاضر قلت له ينصرك


إشحال لما حتبقي بدر التمام


عجبي !!




النهد زي الفهد نط اندلع


قلبي انهبش بين الضلوع و انخلع


ياللي نهيت البنت عن فعلها


قول للطبيعة كمان تبطل دلع


عجبي !!!




صوتك يا بنت الإيه كأنه بدن


يرقص يزيح الهم يمحي الشجن


يا حلوتي و بدنك كأنه كلام


كلام فلاسفه سكروا نسيوا الزمن


عجبي !!!!








كرباج سعاده وقلبي منه اجلد


رمح كأنه حصان و لف البلد


و رجع لي نصل الليل و سألني .. ليه


خجلان تقول انك سعيد يا ولد


عجبي !!!






مزيكة هادية الكون فيها انغـــــمر


وصيف و ليل و عقد فل و سمر


يا هلتري الناس كلهم مبسوطين


و يا هلتري شايفين جمال القمر ؟


عجبي!!








إنشد يا قلبي غنوتك للجمــــــــــــــــــال


و ارقص في صدري من اليمين للشمال


ما هوش بعيد تفضل لبكره سعيــــــــــد


ده كل يوم فيه الف الف احتمـــــــــــــال


عجبي !!








آه لو انا و محبوب جزنا الفضـــــا


في سفينة وحدينا .. واشيا رضـــا


ساعة صفا تعجبنا نرجع لهــــــــــا


و الهم قبل ما ييجي .. يبقي مضـى


عجبي !!








أنا إله الوجد رب الهيــــــــــــــــام


أضرب بسهم الوهم وهم الغـــــرام


و هم الغرام من كتر ما هو لذيـــــذ


رشقت انا ف صدري جميع السهام


عجبي !!!








حدوته عن جعران و عن خنفســــــــــه


اتقابلوا حوا بعض ساعة مســـــــــــــــا


و لا قال لهم حد اختشوا عيب حـــــرام


و لا حد قال دي علاقة متدنســــــــــــــة


عجبي !!!!








ياللي عرفت الحب يوم و انطــــــــــــوي


حسك تقال مشتاق لنبع الهـــــــــــــــوي


حسك تقول مشتاق لنبع الغــــــــــــــــرام


ده الحب .. مين داق منه قطره...ارتوي


عجبي !!!








زحام و أبواق سيارات مزعجـــــة


للي يطول له رصيف.. يبقي نجـــا


لو كنت جنبي يا حبيبي أنــــــــــــا


مش كنت أشوف إن الحياة مبهجة


عجبي!!








إيديا في جيوبي وقلبي طــــــــرب


سارح في غربة بس مش مغترب


و حدي لكين ونسان و ماشي كده


وبابتعد ما اعرف .. أو باقـــــترب


عجبي !!








يا ميت ندامه ع القلوب الخـــــــــــلا


لا محبة فيها و لا كراهـــــــــــه ولا


حتي يا قلبي الحزن ما عادش فيـــــك


معلهش .. لك يوم برضه راح تتملا


عجبي !!








مرحب ربيع مرحب ربيع مرحبــــــــــه


يا طفل يا للي ف دمي ناغا وحبــــــــا


علشان عيونك يا صغنن هويــــــــــــت


حتي ديدان الأرض و الأغربــــــــــــــة


عجبي !!!








فتحت شباكي لشمس الصبـــــــــــــــــاح


ما دخلش منه غيــــــــــر عويل الريـــاح


و فتحت قلبي عشان ابوح بالألـــــــــــــم


ما خرجش منه غير محبه و سمــــــــاح


عجبي !!!!








غمست سنك في السواد يا قلـــــــــــــــم


عشان ما تكتب شعر يقطر ألــــــــــــــــم


مالك جرالك إيه يا مجنون ... و ليــــــــه


رسمت ورده وبيت و قلب و علـــــــــــم


عجبي !!!








انا الذي عمري اشتياق في اشتيـــاق


و قطر داخل في محطة الـــــــــفراق


قصدت نبع السم وشربت ســـــــــم


من كتر شوقي وعشمي في التريـــاق


عجبي !!!








انا الذي عشت الزمن مضيعـــــــــه


بروح حزينة معفنة مضعضعــــــه


زرعتشجرة سنط لجل انجــــــرح


لقتها شعر البنت و مفرعــــــــــــه


عجبي !!








لو فيه سلام في الأرض وطمان و أمن


لو كان مفيش و لا فقر و لا خوف جبن


لو يملك الانسان مصير كل شـــــــــــئ


انا كنت اجيب للدنيا ميت ألف ابــــــــــن


عجبي !!








العشب طاطا للنسايم و نـــــــــــــــــــــخ


أخضر طري مالهش في الحســـــــن أخ


عصفور عبيط انا .. غاوي بهجه و غنا


ح انزلهنا.. و انشا لله يهبرني فــــــــخ


عجبي !!!



[/b][/b][/b]
[/size]
[/size]
[/size]
[/size][/b]
[b][size=21][b][size=21][b]خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!


[/b][/b]
[b]

[b]

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!




ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!





و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!





أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!





يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!



أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!





سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!





كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!





عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!





رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!





ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!





ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!





نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!





علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!





انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!
[/b][/b][/size]
الرجوع الى أعلى الصفحة اذهب الى الأسفل
 
رباعيات الضاحك الباكى
الرجوع الى أعلى الصفحة 
صفحة 1 من اصل 1
 مواضيع مماثلة
-
» رباعيات الضاحك الباكى بصوته
» من اجمل رباعيات صلاح جاهين
» رباعيات صلاح جاهين بصوت سيد مكاوي
» رباعيات جاهينيه بصوت جاهين وعلى الحجار

صلاحيات هذا المنتدى:لاتستطيع الرد على المواضيع في هذا المنتدى
منتديات أسف علي الإزعاج :: منتديات أسف علي الإزعاج :: القاعةالعامة :: منوعات-
انتقل الى: